Бүген Татарстан Республикасы Премьер-министры Илдар Халиков Җәзаларны үтәтү федераль хезмәте директорының беренче урынбасары Анатолий Рудый белән очрашты.

Очрашу Татарстан Республикасы Хөкүмәте йортында узды. Искә төшерәбез, Анатолий Рудый Казанга Россия җәзаларны үтәтү федераль хезмәтенең Татарстан Республикасы буенча идарәсенә байрак тапшыру тантанасында катнашу өчен килде.

Бүген ТР Министрлар Кабинетындагы киңәшмәдә Татарстан Республикасы вазыйфаларын вакытлыча башкаручы Рөстәм Миңнеханов ТР Хөкүмәтенә Идел һәм Кама буйлары табигатен саклау зоналарын тәртипкә китерү буенча программаны булдырырга йөкләде. Татарстан Республикасында Парклар һәм скверлар елы кысаларында үткәрелә торган эшләргә өстәмә итеп, Рөстәм Миңнеханов 2016 елны Идел һәм Кама су саклау зоналары елы дип игълан итүне тәкъдимен кертте.

Кичә Казанда ТР Президенты каршындагы Дәүләт торак фондының 20 еллыгына багышланган тантаналы чара булды. Анда ТР Президенты вазыйфаларын вакытлыча башкаручы Рөстәм Миңнеханов, ТР Дәүләт Киңәшчесе, "Яңарыш" фондының Попечительләр советы рәисе Минтимер Шәймиев, Татарстан Дәүләт Советы Рәисе Фәрит Мөхәммәтшин, ТР министрлыклары һәм ведомстволары җитәкчеләре, муниципаль берәмлекләре башлыклары, предприятие җитәкчеләре, республиканың төзелеш комплексы вәкилләре катнашты.

С.Сәйдәшев исемендәге зур концерт залында Н.Җиһанов исемендәге Казан дәүләт консерваториясенең 70-еллыгына багышланган тантаналы кичә узды. Бу бәйрәмгә уку йортының профессорлары, укытучылары, ветераннар, хезмәткәрләр һәм бу уку йортын тәмамлаучылар чакырылган иде.

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов РФ Федераль таможня хезмәте җитәкчесе Андрей Бельянинов белән очрашты. Очрашу Татарстан Республикасы Хөүкәмте Йортында узды, анда шулай ук Финляндия Таможнясының генераль директоры Лео Ниссинен, Татарстан таможнясы башлыгы Альберт Мавликов һәм башкалар катнашты. 

23 марттан Татарстан территориясендә янгынга каршы махсус режим гамәлдә. Шуның белән бәйле рәвештә, янгын куркынычсызлыгы кагыйдәләрен бозучыларга карата штраф күләме дә икеләтә арттырылды: физик затларга ул 2 меңнән 4 мең сумга, вазифаи затларга 15 меңнән 30 мең сумгача, юридик затларга 400 меңнән 500 мең сумга кадәр тәшкил итә. Янгынга каршы махсус режим гамәлдә вакытта республикада чүп-чар, коры-сары, үлән яндырганы өчен 9 кеше административ җаваплылыкка тартылган инде.

Бу хакта бүген ТР Хөкүмәте йортында үткәрелгән брифингта республиканың янгын күзәтчелеге буенча баш дәүләт инспекторы Сергей Сергеев хәбәр итте.

Бүген Татарстан Президенты вазыйфаларын вакытлыча башкаручы Рөстәм Миңнеханов Казан Кремлендә Россия һәм Татарстан дәүләт бүләкләрен тапшырды. Рөстәм Миңнеханов җыелучыларны сәламләп, очрашу Яз һәм хезмәт, һәм Бөек Ватан сугышында Җиңү көне алдыннан үтүен билгеләп: "Биредәге Бөек Ватан сугышы ветераннарына рәхмәт сүзләрен җиткерәсем килә. Үзебезнең халкыбыз, ил, Татарстан өчен тырышканыгыз өчен рәхмәт сезгә, кадерлеләребез. Чын күңелдән сезгә озын һәм бәхетле тормыш, нык сәламәтлек һәм иминлек телим", - дип мөрәҗәгать итте Р.Миңнеханов кунакларга.

Бүген Казан Кремлендә Татарстан Республикасы Дәүләт Киңәшчесе Минтимер Шәймиев Россия Федерациясенең Федераль таможня хезмәте җитәкчесе Андрей Бельянинов белән очрашты.

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов 2014 елда Татарстан Республикасы кредит оешмаларының эш йомгаклары һәм 2015 елга бурычлары буенча киңәшмәдә катнашты. Чара Татарстан Республикасы  Милли банкы бинасында узды, анда шулай ук Россия Федерациясе Үзәк банкының Идел-Нократ баш идарәсе башлыгы Лариса Павлова катнашты.