Бүген Татарстан Республикасы башкаласына Россия Федерациясе Федераль Җыены Дәүләт Думасы Рәисе Борис Грызлов бер көнлек эш визиты белән килде.

Республика балалар клиник хастаханәсе һәм Республика клиник хастаханәсен төзекләндерү эшләре быел тәмамланырга тиеш. Моны бүген ТР Президенты Рөстәм Миңнеханов таләп итте.

Ул хакта ул хастаханәләрдә бара торган эшләр белән танышкан вакытта белдерде.

Бүген Швейцариянең Лозанна шәһәрендә Халыкара йөзү федерациясенең (FINA) штаб-фатирында Татарстанның рәсми делегациясе FINA ның башкаручы директоры Корнел Маркулеску һәм FINA маркетинг департаменты башлыгы Питер Холл белән очрашты.

Бүген ТР Министрлар Кабинетында Татарстан Президенты Рөстәм Миңнехановка Казансу елгасы яр буйларын комплекслы үстерү концепциясе тәкъдим ителде.

Бүген Татарстан Премьер-министры Илдар Халиков Түбән Камага сәфәр кылды.
Балаларны яклау көнендә Түбән Камада “Подсолнушек” Баланы акыл ягыннан үстерү үзәге ачылды. Заманча балалар бакчасы ачылу шәһәр өчен истәлекле вакыйга. Тантанага чакырылучылар арасында Татарстан Премьер-министры Илдар Халиков, ТР мәгариф һәм фән министры Альберт Гыйльметдинов бар иде.

Бүген Казанга Кытай Халык Республикасы делегациясе килде. Делегацияне Кытай Халык Республикасы Дәүләт Советы вице-премьеры Ван Цишань җитәкли. Кытай делегациясе белән бергә Казанга Россия Федерациясе энергетика министры Сергей Шматко да килде.

“Без балаларның сәламәтлеген кайгыртырга тиеш”, - дип белдерде бүген Татарстан Президенты Рөстәм Миңнеханов Халыкара балаларны яклау көнендә Балалар сәламәтлек үзәгендә.

Татарстан башлыгы Зорге урамында урнашкан Балалар сәламәтлек үзәгендә булды. Анда Рөстәм Миңнехановны ТР сәламәтлек саклау министры Айрат Фәррахов, Казан мэры Илсур Метшин, ТР Президентының социаль мәсьәләләр буенча ярдәмчесе Татьяна Ларионова һәм башка рәсми затлар озатып йөрде.

Бүген, Халыкара балаларны яклау көнендә, ТР Президенты Рөстәм Миңнеханов күп балалы Раиса һәм Леонид Верниковскийлар гаиләсендә кунакта булды. Гаиләне яңа тораклары белән котларга килүчеләр арасында шулай ук ТР төзелеш, архитектура һәм торак-коммуналь хуҗалык министры Ирек Фәйзуллин, ТР Президенты каршындагы Дәүләт торак фонды башкаручы директоры Тәлгать Абдуллин, Казан мэры Илсур Метшин һ.б. килгән иде.