Татарстан көндәшлелеккә сәләтле булу өстенлекләрен һәм киләчәк үсеш булдыруны кайгырта. Бу хакта ТР Президенты Рөстәм Миңнеханов Санкт-Петербургта Бөтендөнья икътисади форум президенты Клаус Шваб белән эшлекле иртәнге ашта белдерде.

Бүген ТР Президенты Санкт-Петербургта Бөтендөнья икътисад форумы президенты Клаус Шваб белән очрашты. Очрашу "Кемпински" кунакханәсендә узды.

19 июньдә билгеләп үтеләчәк Медицина хезмәткәре көне алдыннан, бүген “Ел табибы – Ак чәчәкләр” республика конкурсының 4 нчесеченең нәтиҗәләре “Корстон” мәдәни-күңел ачу комплексында игълан ителеп, шул уңайдан оештырылган тантаналы бәйрәмдә җиңүчеләр һәм номинантлар бүләкләнде.

Бүген Татарстан Президенты Рөстәм Миңнеханов Халыкара спорт федерациясе президенты Джордж Киллиан белән очрашты.

Бүген Татарстан Республикасы Президенты Рөстәм Миңнеханов РФ Президентының Идел буе федераль округындагы Тулы вәкаләтле вәкиле каршындагы Советта “Идел буе федераль округы энергетика комплексын үстерү өстенлекләре турындагы” мәсьәләне карауга әзерләү буенча эшче төркем утырышын үткәрде.

Бүген Казанда татар дин әһелләренең “Милли тормыш һәм дин” дип исемләнгән II Бөтенроссия форумының пленар утырышы уза. Анда ТР Президенты Рөстәм Миңнеханов, ТР Дәүләт Советы Рәисе Фәрит Мөхәммәтшин, ТР Премьер-министры урынбасары Зилә Вәлиева, Мөселманнарның үзәк диния нәзарәте рәисе Тәлгать Таҗетдин, Россия мөфтиләре советы рәисе Равил Гайнетдин, ТР мөселманнары Диния нәзарәте рәисе Илдус хәзрәт Фәизов, Бөтендөнья татар конгрессы Башкарма комитеты рәисе Ринат Закиров, ТР Президентының дини берләшмәләр белән хезмәттәшлек идарәсе башлыгы Марат Гатин, Россиянең илледән артык төбәгеннән 843 дин әһеле катнаша.

Татарстанда торакны сафка бастыру буенча еллык бирем әлегә 40 процентка үтәлгән, ягъни 970 мең кв. метр мәйданда торак сафка бастырылган. Июнь аенда республикада 200 мең кв метр мәйданны сафка бастыру бурычы куела. Әлеге мәгълүматлар бүген ТР Хөкүмәт йортында видеоконференция рәвешендә узган республика киңәшмәсендә яңгырады. Торак төзелеше, Бөек Ватан сугышы ветераннарын торак белән тәэмин итү, гражданнарны авария хәлендәге тораклардан күчерү мәсьәләләренә багышланган киңәшмә ТР Президенты Рөстәм Миңнеханов һәм Премьер-министр Илдар Халиков рәислегендә узды.

Татарстан белән Германия Федератив Республикасы арасындагы хезмәттәшлек мәсьәләләре бүген ТР Президенты Рөстәм Миңнехановның Бундестагның Алмания-Россия парламент төркеме рәисе Бернхард Кастер белән очрашуында күтәрелде. Бернхард Кастер җитәкчелегендәге Алмания-Россия парламент төркеме әгъзалары, билгеле булганча, бу көннәрдә Казанда эш сәфәрендә.

Бүген, Мәскәүдәге сәфәреннән соң, Халыкара Олимпия комитеты әгъзасы Хулио Сезар Маглионе президентлыгындагы йөзү буенча халыкара федерациянең (FINA) инспекция комиссиясе 2015 яки 2017 елда үзендә су спорты төрләре буенча дөнья чемпионаты уздыру хокукына дәгъва иткән Казанда инспекция белән йөрде.

Илдә урман янгыннары белән бәйле вәзгыять – контрольдә. Бу хакта бүген Казанда эш сәфәрендә булган РФ Хөкүмәте рәисенең беренче урынбасары Виктор Зубков белдерде.
РФ Президенты бүләгенә ат чабышларын оештыру комитеты утырышыннан соң, Виктор Зубков журналистлар белән булган әңгәмәсендә җиткергәнчә, быел урман янгыннарына дучар булган мәйданнар, узган елга караганда, күбрәк, шул ук вакытта 2008, 2009 елларга караганда сизелерлек ким. “Янгыннар бар, ләкин аларның барысы да быел контрольдә тотыла”, - дип ассызыклады ул.