“Без Татарстанга Люксембург бизнесын һәм капиталын җәлеп итәргә телибез. Республикага бу сәфәрегез ике арада яңа уртак проектлар тууга этәргеч бирер дип ышанабыз”. Бүген “Корстон”да Татарстан-Люксембург эшлекле форумы ачылышында катнашкан ТР Президенты Рөстәм Миңнеханов сәламләү чыгышында Люксембург Герцоглыгы премьер-министры Жан-Клод Юнкер җитәкчелегендәге делегациягә әнә шулай дип мөрәҗәгать итте.

Татарстан җитәкчелеге ТРда бизнес ачуда һәм аны алып баруда Люксембург компанияләренә ярдәм итәргә әзер һәм алар белән хезмәттәшлек үсешенә өметләнә. Бу хакта бүген республика Президенты Рөстәм Миңнеханов Казанда булган Люксембург делегациясе вәкилләре белән эшлекле иртәнге аш вакытында белдерде.

Бүген Казанга Бөек Люксембург Герцоглыгы Премьер-министры Жан-Клод Юнкер килде. "Казан" халыкара һава аланында делегацияне ТР Президенты Рөстәм Миңнеханов һәм ТР Дәүләт Советы рәисе Фәрит Мөхәммәтшин каршы алды.

Бүген “Татнефтехиминвест-холдинг” җәмгыятенең Президент Рөстәм Миңнеханов рәислегендә узган Директорлар советы утырышы каравына биш мәсьәлә чыгарылган иде.

Төбәк хакимиятләре хокук саклау органнары белән бергә торак-коммуналь хуҗалыгы предприятиеләренең җылылык-энергия чыганаклары өчен булган бурычлары мәсьәләсен хәл итәргә тиеш. Бүген РФ Премьер-министры Дмитрий Медведев киңәшмә вакытында шундый эш йөкләде. Киңәшмәдә ТР Премьер-министры Илдар Халиков катнашты.

Бүген Казанда Татарстан Үзәк сайлау комиссиясе яңа составының беренче утырышы узды. Россия Үзәк сайлау комиссиясе рәисе Владимир Чуров утырышта катнашу өчен ТР башкаласына килде. Чарада ТР Дәүләт Советы Рәисе Фәрит Мөхәммәтшин, ТР Президенты Аппараты җитәкчесе Юрий Камалтынов һәм Үзәк сайлау комиссиясенең тавыш бирү хокукына ия әгъзалары катнашты.

Татарстан Президенты Рөстәм Миңнехановның эш сәфәре Сингапур Халыкара сәнәгать комитеты җитәкчесе һәм Сингапур Республикасы премьер-министры секретариатының икътисади үсеш буенча махсус киңәшчесе Филипп Йео әфәнде белән очрашу белән тәмамланды.

Бүген Казанда Россиядә Көнчыгышны өйрәнүчеләрнең сигезенче корылтае ачылды. Республика җитәкчелеге исеменнән галимнәрне ТР Премьер-министр Илдар Халиков сәламләде. Көнчыгышны өйрәнүчеләр корылтае ике елга бер тапкыр уздырыла. Җыенны Россия Фәннәр академиясе, РФАнең тарих-филология фәннәре бүлеге, РФАнең Көнчыгышны өйрәнү институты, Россиянең Көнчыгышны өйрәнүчеләр җәмгыяте, ТР Фәннәр академиясе һәм КФУның Көнчыгышны өйрәнү һәм халыкара мөнәсәбәтләр институты оештыра.