Бүген Казан Кремлендә Татарстан Республикасы Дәүләт Киңәшчесе, ТР тарих һәм мәдәният һәйкәлләрен яңадан торгызу Республика Фондының Попечительләр Советы рәисе Минтимер Шәймиев “Fair Play” (“Фэйр плей”- “гадел уен”) Халыкара комитеты Президенты Ено Камути белән очрашты.

Бүген Татарстан Президенты Рөстәм Миңнеханов республиканың Кайбыч, Апас һәм Кама Тамагы районнары кырларын карады. Татарстан Президентын ТР Премьер-министры урынбасары - ТР авыл хуҗалыгы һәм азык-төлек министры Марат Әхмәтов һәм район башлыклары озатып йөрде. Р.Миңнеханов кырлардагы вәзгыять белән танышкач хуҗалык җитәкчеләре, инвесторлар һәм авыл җирлекләре җитәкчеләре белән очрашты. Апас районының “Свияга” авыл хуҗалыгы предприятиесе ААҖ территориясендә Рөстәм Миңнеханов белән Март Әхмәтов авыл хезмәтчәннәре белән аралашкач журналистларның сорауларына җавап бирделәр.

Бүген, "Булгария" теплоходы фаҗигасенә ике ел тулган көнне, Татарстан Президенты Рөстәм Миңнеханов Кама Тамагы районындагы мемориаль комплекста булды.  ТР Президенты белән һәлакәт корбаннарын Россия Гадәттән тыш хәлләр министры Александр Чуприян искә алды.

Бүген Казанда Балалар республика клиник сырхауханәсе (ДРКБ) территориясендә "Рональд Макдональд йорты" ачылачак. Ачылу тантанасында Татарстан Республикасы Президенты Рөстәм Миңнеханов катнашачак. Искә төшерәбез, "Рональд Макдональд йорты" гаилә кунакханәсендә чит шәһәрләрдән ДРКБга дәваланырга килгән балаларның әти-әниләре яшиячәк. Рональд Макдональд исемендәге кунакханәнең нигезенә беренче таш узган елның августында салынган иде.

Бүген Европа Советының Җирле һәм төбәк хакимиятләре конгрессы рәисе, Федераль җир парламенты рәисе Тироль Хервига ван Стаа ТР Дәүләт Советында булды. Республика парламенты бинасы буйлап экскурсияне ТР Дәүләт Советы Рәисе, Европа Советының Җирле һәм төбәк хакимиятләре конгрессының Актуаль мәсьәләләр буенча комитеты рәисе Фәрит Мөхәммәтшин уздырды.

Бүген XXVII Бөтендөнья җәйге студентлар уеннарында шахмат турнирын ачу тантанасы булды, анда Татарстан Республикасы Дәүләт Киңәшчесе, Халыкара шахмат федерациясе (FIDE) президентының Өлкән киңәшчесе Минтимер Шәймиев, Халыкара сдудентлар спорты федерациясе (FISU) президенты Клод-Луи Гальен катнаштылар.

Юл хәрәкәтенә идарә итүнең адаптив системасын үстерү проекты кысаларында Татарстан Республикасы белән Swarco AG компаниясе арасындагы хезмәттәшлек дәвам итәчәк. Бүген бу турыда сүз Татарстан Республикасы Президенты Р.Н.Миңнехановның Swarco AG компаниясе вәкилләре – Swarco AG президенты, идарә рәисе Манфред Сваровски, Swarco AG идарәсе әгъзасы һәм вице-президенты Александер Сваровски белән очрашуында барды. Очрашуда Европа Советының Җирле һәм региональ хакимиятләре конгрессы рәисе, Тироль Федераль җире Парламенты президенты Хервиг ван Стаа да катнашты. Чара Татарстан Республикасы Хөкүмәте Йортында узды.

Бүген Казанга “Swarco AG” корпорациясе идарәсе рәисе һәм президенты Манфред Сваровски, Европа Советының Җирле һәм төбәк хакимиятләре конгрессы рәисе, Федераль җир парламенты рәисе Тироль Хервига ван Стаа һәм Австриянең эшлекле даирәләре вәкилләре килде. Чит ил кунакларын “Казан” халыкара аэропортында ТР Дәүләт Советы Рәисе Фәрит Мөхәммәтшин һәм башка рәсми затлар каршы алды.

Татарстанда 2013 елда бөртекле культуралар уңышы агымдагы фаразлар буенча 2,5 млн тонна тәшкил итәчәк. Бу хакта бүген Россия Федерациясе Премьер-министры Дмитрий Медведев урып-җыю эшләре буенча уздырган селектор киңәшмәсендә Татарстан Республикасы Президенты Р.Н. Миңнеханов белдерде.

Бүген Татарстан Республикасы Хөкүмәт Йортында республика башлыгы Рөстәм Миңнехановның  "Технополис"Новая Тура" проектының киләчәге мәсьәләсе буенча FGN Capital компаниясенең директорлар советы рәисе Александр Халдей белән рәсми очрашуы булды.