Яңалыклар

14.01.2014

Татарстанда илкүләм ММЧ форумы узачак

Бүгенге көндә милләтара һәм динара мөнәсәбәтләр темасы актуаль характерга ия булуын исәпкә алып, 2014 нче елда Татарстанда илкүләм ММЧ форумын уздыру планлаштырыла. Бу хакта бүген, "Татмедиа" Республика матбугат һәм гаммәви коммуникацияләр агентлыгында Татарстан Президенты Рөстәм Миңнеханов катнашында узучы йомгаклау коллегиясе утырышында төп доклад белән чыгыш ясаганда, агентлык җитәкчесе Ирек Миңнәхмәтов хәбәр итте. Коллегия утырышында шулай ук ТР Президенты Аппараты җитәкчесе Әсгать Сәфәров, ТР Премьер-министры урынбасары Юрий Камалтынов, ТР Дәүләт Советы Рәисе урынбасары, ТР Журналистлар берлеге рәисе Римма Ратникова катнаша.

14.01.2014

Илдар Халиков: “ҖҮФХИнең төп казанышы – киң күләмдә тәртипсезлекләр булмау”

2013 елда Татарстанның төзәтү учреждениеләрендә тоткыннарның качмавы, массакүләм тәртипсезлекләр һәм башка гадәттән тыш хәлләр булмау ТР буенча Җәзаларны үтәтү федераль хезмәт идарәсенең (ҖҮФХИ) нәтиҗәле эшчәнлегенең төп күрсәткече булып тора. Бу фикерне бүген Татарстан Премьер-министры Илдар Халиков ТР буенча ҖҮФХИнең коллегия эшендә хәбәр итте. Коллегия эшендә шулай ук ТР буенча эчке эшләр министры Артем Хохорин, Татарстан Куркынычсызлык советы секретаре Валерий Власов катнашты.

13.01.2014

Рөстәм Миңнеханов СКА - "Ак Барс" матчын карады

Бүген Татарстан Республикасы Президенты Рөстәм Миңнеханов Санкт-Петербургта Континенталь хоккей лигасы даими чемпионатының СКА белән "Ак Барс" клублары арасындагы матчын карады. Шулай ук уенны Мәскәү өлкәсе губернаторы Андрей Воробьев, СКА хоккей клубы Директорлар советы рәисе – клуб президенты Геннадий Тимченко да карадылар.

12.01.2014

Болгарда Мөхәммәд пәйгамбәрнең туган көненә багышланган Мәүлид кичәсе үтте

Бүген Болгарда “Ак мәчет”тә Мәүлид ән-Нәбигә багышланган бәйрәм чарасы узды. Бәйрәмне ТР мөселманнары Диния нәзарәте оештырган иде. Шуны билгеләп үтәргә кирәк: соңгы елларда Мәүлидне бәйрәм итү күбрәк таралыш ала бара. Татарстан мөфтие Камил хәзрәт Сәмигуллин билгеләп үткәнчә, хәзер ата-бабаларыбыздан калган китапларны яңартып, халыкка Мәүлидне ничек бәйрәм итәргә кирәклеген өйрәтәләр. "Мәүлид ни өчен Болгарда уза?" дигән сорауга җавап биреп, мөфти Болгарның уртак фикергә килү урыны булуын билгеләп үтте. Бүген Болгарда узган тантаналы чарага ТР Президенты Рөстәм Миңнеханов, ТР Дәүләт Киңәшчесе Минтимер Шәймиев, Россия мөселманнары Үзәк диния нәзарәте рәисе Шәйхелислам Тәлгать Таҗетдин, Россия мөфтиләр советы рәисе урынбасары Рушан Аббясов, ТР мөселманнары Диния нәзарәте рәисе Камил хәзрәт Сәмигуллин, ТР Президентының дини берләшмәләр белән багланышлар идарәсе башлыгы Илнур Гатауллин, бөтен Россиядән дин әһелләре, җәмәгать эшлеклеләре катнашты.

11.01.2014

Казанда энергетикларны Универсиадага әзерләнүдә катнашулары өчен бүләкләделәр

Бүген Казанда 2013 елгы Универсиадага әзерләнүдә, аны уздыруда һәм өзлексез электр белән тәэмин итүдә катнашкан энергетикларны хөрмәтләүгә багышланган тантаналы чара узды. Татарстанның Дәүләт бүләкләрен энергетикларга ТР Премьер-министры Илдар Халиков тапшырды.

11.01.2014

2014 елда Татарстанда яңа социаль программа – балаларны савыктыру лагерьларына капиталь ремонт ясау программасы башлап җибәреләчәк

Татарстан Республикасында 2014 елда авария хәлендәге торакны бетерү программасы буенча 529 торак йортның 3858 торак урынында яшәүче 9464 кешене күчерү күз алдында тотыла.

Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.

Чара гадәттәгечә республиканың барлык муниципаль районнары белән видеоконференцэлемтә режимында Татарстан Республикасы Президенты Рөстәм Миңнеханов тарафыннан уздырылды.

Киңәшмәдә Татарстан Республикасы Премьер-министры Илдар Халиков та катншаты.

10.01.2014

Рөстәм Миңнеханов Рус православие чиркәвенең Татарстан митрополиясе вәкилләре белән очрашты

Бүген Татарстан Республикасы Президенты Рөстәм Миңнеханов Рус православие чиркәвенең Татарстан митрополиясе вәкилләре белән очрашты.

Очрашу Татарстан митрополиясе һәм Казан епархиясе идарәсе бинасында (Казан, Карл Маркс урамы, 9/15) узды.

10.01.2014

Татарстан Республикасы прокуратурасында законсыз уен бизнесына каршы көрәш буенча өстәмә чаралар турында сөйләштеләр

Татарстан Республикасының хокук саклау органнары җитәкчеләренең координацион киңәшмәсенең киңәйтелгән утырышын бүген Татарстан Республикасы Президенты Рөстәм Миңнеханов уздырды. Татарстан Республикасы прокуратурасында узган утырышта төп мәсьәлә законсыз уен бизнесына каршы көрәш буенча өстәмә чаралар булды. Чарада ТР Премьер-министры Илдар Халиков, республика башкарма органнарының, ТР Югары һәм Арбитраж суд, хокук саклау органнары вәкилләре, мниципаль берәмлекләр башлыклары һәм Казан, Чаллы, Әлмәт прокурорлары, ТР прокуратурасы Идарәсе һәм бүлекләре начальниклары катнашты.

10.01.2014

Татарстан Республикасы Президенты: " Росреестр һәм Кадастр палатасы эше – күчемсез мөлкәт базары эшчәнлеге нигезе”

Татарстан Республикасы буенча Росреестр идарәсенең һәм “Федераль кадастр палатасы” ФДБУнең Татарстан Республикасы буенча филиалының мөһим роле күчемсез мөлкәт базары эшчәнлеген оештырудан гыйбарәт дип билгеләп үтте бүген Татарстан Республикасы Президенты Рөстәм Миңнеханов казанда узган ведомстволарның йомгак коллегиясенең киңәйтелгән утырышында.

10.01.2014

Алексей Песошинны Татарстан Республикасы Премьер-министрының беренче урынбасары итеп билгеләп кую турында Татарстан Республикасы Президенты Указына имза салынды

Алексей Песошин Татарстан Республикасы Премьер-министрының беренче урынбасары итеп билгеләп куелды.

Әлеге Указга бүген Татарстан Республикасы Президенты Рөстәм Миңнеханов имза салды.

Исегезгә төшерәбез, 2013 елның декабрь азагында, Татарстан Республикасы Дәүләт Советы утырышында Татарстан Республикасы Премьер-министрының беренче урынбасары вазыйфасына Алексей Песошин кандидатурасы республика парламенты тарафыннан расланды.