Татарстан Президенты Рөстәм Миңнеханов бүген "Казан" агросәнәгать паркы" ААҖндә авыл хуҗалыгы ярминкәсендә булды. Аны ТР Премьер-министры урынбасары - ТР авыл хуҗалыгы һәм азык-төлек министры Марат Әхмәтов озатып йөрде. Казанда һәм республика районнарында һәр шимбә була торган ярминкәләр, бу атнада 6 ноябрьдә уза. Район авыл хуҗалыгы җитештерүчеләре һәм ТР агросәнәгать комплексының эре оешмалары арзанрак бәядән үз продукцияләрен тәкъдим итә. Казан" агросәнәгать паркында авыл хуҗалыгы ярминкәсендә кооператорлар һәм шәхси җитештерүчеләр бай ассортимент, шул исәптә, яшелчә, ит, казылык эшләнмәләре, сыр, он, ярма, бал, май, йомырка, сөт продуктлары һ.б. тәкъдим итә.

Хөрмәтле татарстанлылар!

Сезне чын йөрәктән дәүләт бәйрәме - Татарстан Республикасы Конституциясе көне белән котлыйм!

Хокукый системаның нигезе һәм чыганагы булган Төп Законны кабул итү - Татарстан дәүләтчелегенең яңа тарихында зур вакыйга, демократик, хокукый һәм иҗтимагый дәүләт төзелешендә мөһим адым.

РФ спорт министры Виталий Мутко Казанда 2018 елгы футбол буенча дөнья чемпионатына әзерлек дәрәҗәсе белән кәнәгать булуын белдерде. "Без әзерлек барышы белән кәнәгать. Республикага зур сораулар юк", - дип белдерде ул бүген "Россия 2018" республика оештыру комитеты утырышында белдерде. Чара ТР Хөкүмәте Йортында Татарстан Республикасы Президенты Рөстәм Миңнеханов катнашында узды. 

Польша бизнес-бергәлегенә ике республика арасындагы хезмәттәшлек юнәлешләрен билгеләү өчен Татарстанга килү зарур. Бу хакта ТР Президенты Рөстәм Миңнеханов бүген Казан Кремлендә Польша Республикасының Россиядәге Гадәттән тыш һәм Тулы вәкаләтле илчесе Катажина Пелчинска-Наленч белән очрашуда белдерде.

Бүген ТР Дәүләт Советының кече залында ТР Премьер-министры Илдар Халиков рәислегендә ТР Конституциясе көне һәм республика Конституция суды оештырылуга 15 ел тулу уңаеннан тантаналы утырыш узды.

Утырышны ачып, Илдар Халиков анда катнашучыларны  Татарстан Республикасы Конституциясен кабул итүгә 23 ел тулу уңаеннан котлады.

Татарстан Президенты Рөстәм Миңнеханов бүген Казан ратушасында Татарстан балалар-яшүсмерләр спорт мәктәпләре вәкилләренә 11 "Нефаз" автобусы ачкычларын тапшырды. Чара башланганчы республика лидеры ТР Премьер-министры урынбасары Васил Шәйхразыев, Казан мэры Илсур Метшин, ТР яшьләр эшләре һәм спорт министры Владимир Леонов һәм башкалар озатуында Ратуша бинасы каршындагы яңа автобусларны карады.

Бүген Татарстан Республикасы буенча ЭЭМ подразделениеләренә яңа автомобильләр тапшыру тантанасы уздырылды. Татарстан Республикасы Президенты Рөстәм Миңнеханов Эчке эшләр министрлыгы ЮХИДИ идарәсенең районнардагы юл-патруль хезмәте һәм дежур частьләре полиция хезмәткәрләренә 46 яңа автомобиль тапшырды: 33 “Лада Приора” һәм 13 “УАЗ-396522” автомобиле.

Россия боксеры Александр Поветкин авыр үлчәмдә WBC Silver титулы өчен поляк Мариуш Вах белән көрәштә җиңү яулады. Супер көрәш бүген Казанда узды.

Поветкин өчен 12 нче раундта техник нокаут аша ирешелгән бу җиңү, бер җиңелүе генә булган килеш, 30 нчысы иде.

Бүген Казанда, М.Җәлил исемендәге Татар дәүләт  опера һәм балет академия театрында "Безнең йорт - Татарстан-2015" этномәдәни фестивале гала-концерты узды. Тантаналы чарада ТР Президенты Рөстәм Миңнеханов та катнашты.