Татарстан Рәисе Рөстәм Миңнеханов Мәскәүгә эш сәфәре кысаларында «Мәскәү - Татарстан күпере» X яшьләр форумында катнашты. Чара РФ Хөкүмәте каршындагы Финанс университетының «Нобель залында» узды.

Рөстәм Миңнеханов муниципалитетлар башлыкларына төзекләндерелгән ишегалларындагы тәртипне игътибар белән күзәтергә кушты. Бу хакта ул ТР Хөкүмәте Йортында узган киңәшмәдә белдерде.

Социаль-мәдәни өлкә объектларын капиталь ремонтлау, күп фатирлы йортларны һәм гидротехник корылмаларны ремонтлау программаларын гамәлгә ашыру турында бүген Татарстан Республикасы Хөкүмәте Йортында узган киңәшмәдә республиканың төзелеш, архитектура һәм ТКХ министры Марат Айзатуллин хәбәр итте. Киңәшмәне Татарстан Рәисе Рөстәм Миңнеханов үткәрде.

Татарстан Республикасы Премьер-министры Алексей Песошинның Космонавтика көне белән котлавы.

Бүген Татарстан Рәисе Рөстәм Миңнеханов «Гадел Россия - дөреслек өчен» партиясе рәисе, РФ Дәүләт Думасында шул ук исемдәге фракция җитәкчесе Сергей Миронов белән очрашты. Сергей Миронов Казанга эш сәфәренә килгән. Очрашу ТР Хөкүмәте Йортында узды.

Бүген Казанда яңа «Камил" мәчете ачылды. Мәхәллә кешеләре монда Татарстан мөфтие Камил хәзрәт Сәмигуллин җитәкчелегендә җомга намазы укыдылар. «Камил" мәчетендә Татарстан Рәисе Рөстәм Миңнеханов булды.  

Бүген «Казан Экспо»да XIX Россия венчур форумы кырларында Татарстан Республикасы Инвестиция-венчур фондының Попечительләр советы утырышы узды. Чара Татарстан Рәисе Рөстәм Миңнеханов рәислегендә узды.

Бүген Казанда Россия венчур форумы кырларында Россия Федерациясе Фән һәм югары белем министры Валерий Фальков һәм Татарстан Республикасы Рәисе Рөстәм Миңнехановның эшлекле очрашуы узды.

Татарстан Республикасы Рәисе Рөстәм Миңнеханов һәм Россия Фән һәм югары белем министры Валерий Фальков XIX Россия венчур форумының пленар утырышында катнаштылар. Үзәк тема - «Технологик эшкуарлык – югары компетенцияләр киңлеге». Утырыш эшендә шулай ук «РВК» генераль директоры Анатолий Браверман, KAMA FLOW инвестиция компаниясе партнеры Евгений Борисов, «Мәскәү инновацион кластеры» фонды генераль директоры Алексей Парабучев, «Восход» венчур фондының идарәче партнеры Руслан Саркисов һәм башкалар катнашты.

Россия венчур форумы - тупланган тәҗрибә һәм иң яхшы парктикалар белән уртаклашу, уртак проектларны гамәлгә ашыру турында эшлекле партнерлар белән килешүләргә ирешү, шулай ук илебезнең инновацион системасын үстерүгә өстәмә этәргеч бирү өчен нәтиҗәле мәйданчык ул. Бу хакта Татарстан Республикасы Рәисе Рөстәм Миңнеханов бүген XIX Россия венчур форумын ачу тантанасында белдерде. Чарада Россия Федерациясе Фән һәм югары белем министры Валерий Фальков, Россия Венчур инвестицияләү ассоциациясе башкарма директоры Альбина Никконен һәм башкалар катнашты.