Бүген ТР Президенты Рөстәм Миңнеханов ветеринар табибларга ашыгыч ветеринария ярдәме автомобильләреннән ачкычлар тапшырды.

Тантаналы чара Игенчеләр сарае янындагы мәйданда узды.

Һәрбер район дәүләт ветеринария берләшмәсе икешәр ВАЗ-21213 "Нива" машинасын алды. Исегезгә төшерәбез: республикада 43 ветеринария берләшмәсе эшли.

Бүген ТР Президенты Рөстәм Миңнеханов Балык Бистәсе районына эш сәфәре барышында “Балык Бистәсе” авыл хуҗалыгы кооперативы базасы эшчәнлеге белән танышты. Республика башлыгы иң элек биредәге казылык җитештерү цехында булды, ул әлегә ат итеннән казылык җитештерүче райондагы бердәнбер цех. Бу эшкә алынганчы казылык ясау технологияләре серләрен Түбән Новгород өлкәсеннән, Чуашстан Республикасыннан, шулай ук республиканың казылык җитештерүче хуҗалыкларыннан өйрәнгәннәр. Цехны чимал белән, нигездә, районның фермер хуҗалыклары тәэмин итә. Бүгенге көндә биредә Мәскәүгә җибәрү өчен заказ эшлиләр.

Бүген Татарстан Президенты Рөстәм Миңнеханов республиканың Балык Бистәсе районы Яңа Арыш авылында булды. Биредә республика башлыгы яңа сафка баскан авыл Мәдәният йортын ачты. Мәдәният йорты ачылышында шулай ук Татарстан мәдәният министры Айрат Сибагатуллин, Балык Бистәсе районы башлыгы Илһам Вәлиев катнашты.

Бүген Казан үзәгендәге IT-паркта ТР Сәламәтлек саклау һәм ТР Мәгълүматлаштыру һәм элемтә министрлыкларының муниципаль берәмлекләр белән видеоконференция режимында уртак утырышы булып, анда сәламәтлек саклау тармагын мәгълүматлаштыру бурычлары һәм аларны чишү юллары каралды.

Ил нефть химиясен дөнья лидерларының берсе роленә күтәрү өчен Россия тарихында хәзерге кебек уңайлы форсат тумаган иде әле. Кичә Татарстан Президенты Рөстәм Миңнеханов үткәргән «Татнефтехиминвест-холдинг» ААҖ Директорлар советы утырышында исеме бөтен дөньяга мәгълүм геохимик Алексей Конторович әнә шулай дип белдерде.

Бүген Татарстан Президенты Рөстәм Миңнеханов ТР Министрлар Кабинеты бинасында «Татнефтехиминвест-холдинг» ААҖ Директорлар советының чираттагы утырышын үткәрде.

Бүген ТР Хөкүмәте йортында Татарстан Президенты Рөстәм Миңнеханов Россия фәннәр академиясе академигы, РФА Себер бүлегенең А.А.Трофимук исемендәге нефть-газ геологиясе һәм геофизика институтының фәнни җитәкчесе Алексей Конторович белән очрашты. Очрашуда ТР Президенты ярдәмчесе Ринат Сабиров, республиканың нефть химиясе предприятиеләре җитәкчеләре катнашты.

Арча шәһәре үзәгендә һәм Көнбатыш микрорайонында балалар бакчаларына ихтыяҗ бар, Арча шәһәренә заман таләпләренә җавап биргән мәдәният үзәге, балалар боз сарае да кирәк, район авылларының “Чиста су” федераль программасында катнашу проблемасын да хәл итәсе бар. Шушы һәм башка актуаль мәсьәләләр хакында район халкы бүген Мәдәният йортында узган очрашуда Татарстан Президенты Рөстәм Миңнехановка җиткерде. Район активы белән очрашу республика башлыгының Арча районына сәфәре программасында каралган үзәк чараларның берсе булды.

Бүген Арча шәһәренең Шәрык бистәсендә 4 нче номерлы яңа балалар бакчасы ишекләрен ачты. Нәниләрне “өй туйлары”- яңа бакчалы булулары белән котларга бирегә ТР Президенты Рөстәм Миңнеханов, ТР мәгариф һәм фән министрының беренче урынбасары Данил Мостафин, Арча муниципаль районы башлыгы Алмас Нәзиров килгән иде.

Бүген ТР Президенты Рөстәм Миңнеханов Арча муниципаль районында эш сәфәрендә. Сәфәр программасында каралган беренче пункт Арчаның Комаров урамында урнашкан янгын сүндерү депосы булды. Депоның яңа бинасының ачылыш тантанасында Президенттан тыш, шулай ук РФ Гражданнар оборонасы һәм гадәттән тыш хәлләр министрлыгының Идел буе төбәк үзәге җитәкчесе генерал-лейтенант Игорь Паншин, РФ Гражданнар оборонасы һәм гадәттән тыш хәлләр министрлыгының ТР буенча Баш идарәсе җитәкчесе-ТР Гражданнар оборонасы һәм гадәттән тыш хәлләр министры Рәфис Хәбибуллин, Арча муниципаль районы башлыгы Алмас Нәзиров катнашты.