Бүген Казанда “Сәләт” хәрәкәтенең 20 еллыгына багышланган бәйрәм концерты үткәрелде. Тантанада Татарстан Республикасы Президенты Рөстәм Миңнеханов һәм “Сәләт” хәрәкәтендә төрле елларда катнашучылар булды.

Татарстанда оешкан дәүләт яшьләр сәясәтен 20 ел гамәлгә ашыру эчендә бу өлкәдә зур тәҗрибә тупланган. Бүген Мондый фикерне Татарстан Республикасы Президенты Рөстәм Миңнеханов Татарстан Республикасында оешкан дәүләт яшьләр сәясәтен гамәлгә ашыруга 20 ел тулуга багышланган “Татарстан Республикасы дәүләт яшьләр сәясәтен гамәлгә ашыру тәҗрибәсе һәм перспективалары” Татарстан Республикасы Яшьләр эшләре һәм спорт министрлыгының коллегия утырышында әйтте. Коллегия эшендә шулай ук Татарстан Республикасы Дәүләт Советы Рәисе Фәрит Мөхәммәтшин, Казан мэры Илсур Метшин, Россия Федерациясе Дәүләт Думасы депутаты Марат Бариев һәм башкалар катнашты.

Татарстан Республикасы территориясендә “Кытай-шәһәр” сәүдә-күргәзмә комплексын булдыру мөмкинлеге турында бүгенге очрашуда Татарстан Республикасы Премьер-министры Илдар Халиков һәм Кытай Халык Республикасы (КХР) делегациясе әгъзалары фикер алышты.
Очрашу Татарстан Республикасы Хөкүмәте йортында узды.

Татарстан Республикасы Премьер-министры Илдар Халиков Ватан Геройлары көне уңаеннан татарстанлыларга мөрәҗәгать итте.
“Хөрмәтле татарстанлылар! – диелә мөрәҗәгатьтә. Бүген без истәлекле датаны – Ватан Геройлары көнен билгеләп үтәбез. Бу көнне без һәлак булган геройларны искә алып кына калмыйбыз, бәлки безнең арада яшәүчеләрен хөрмәтлибез, - алар үз-үзләрен аямыйча һәм эчкерсез батырлыклары белән үзләренең туган илгә һәм халыкка тугрылыкларын исбатладылар”.

Татарстан Республикасы Премьер-министры Илдар Халиков Халыкара коррупциягә каршы көрәш көне уңаеннан татарстанлыларга мөрәҗәгать итте.
“ Хөрмәтле татарстанлылар! – диелә мөрәҗәгать текстында. – Берләшкән Милләтләр Оешмасы Генераль Ассамблеясе тарафыннан 9 декабрь Халыкара коррупциягә каршы көрәш көне итеп игълан ителде.

Коррупция – ул шәхси файда алу максаты белән хезмәт урыныннан законсыз файдалану. Мондый күренеш хакимият һәм халык арасында үзара мөнәсәбәтләргә, икътисад, республиканың конкурентлылыкка сәләтлелеге торышына начар тәэсир итә һәм иҗтимагый мөнәсәбәтләрнең барлык өлкәсенә кагыла”.

Бүген Татарстан Республикасы Хөкүмәте һәм Россия венчур компаниясе арасында венчур инвестицияләр үсеше өлкәсендә “юл картасы” һәм инновация эшчәнлегендә хезмәтттәшлек турында килешү имзаланды. Документка Татарстан Республикасы Премьер-министры Илдар Халиков һәм Россия венчур компаниясе генераль директоры Игорь Агамирзян имзаларын куйдылар.

Бүген Татарстан Республикасы Хөкүмәте йортында (Казан, Ирек мәйданы, 1) Казакъстан Республикасының Милли иминлек комитеты һәм Наркотиклар әйләнешенә күзәтчелек буенча Россия Федерациясе Федераль хезмәте (ФСКН) арасында 2015 елга Уртак чаралар планы имзаланды. Документка ФСКН директоры урынбасары Николай Аулов һәм Казакъстан Республикасының Милли иминлек комитеты рәисе урынбасары Самат Абиш имзаларын куйды. Бу тантанада Татарстан Республикасы Премьер-министры Илдар Халиков катнашты.

Бүген Татарстан Республикасы Президенты Рөстәм Миңнеханов ТР Инвестиция-венчур фонды оештырган эшлекле иртәнге ашта катнашты. Чара "Татарстан Республикасының 50 иң яхшы иннновацион идеясе" X юбилей конкурсының җиңүчеләрен бүләкләүгә багышланды. Эшлекле аш технологияләрне коммерцияләштерү уңышлары, перспективалары һәм бурычларына багышланды һәм Казандагы "Корстон" КСКК мәйданчыгында узды. Анда "Россия венчур компаниясе" ААҖ генераль директоры Игорь Агмирзян, Россия венчур инвестицияләү ассоциациясенең башкарма директоры Альбина Никконен, Татарстан Республикасы министрлыклары һәм ведомстволары вәкилләре катнашты.