Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Анкарага ике көнлек эш сәфәре кысаларында Татарстан сәнгать осталары концертын карады. Чара Төркия башкаласының "Конгрессиум" ККК мәйданчыгында узды. Чарада шулай ук Анкара мэры Мәлих Гекчәк, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равиль Зарипов, Татарстан Республикасы мәдәният министры Айрат Сибәгатуллин һәм башкалар катнашты.

"Когрессиум" ККК холларының берсендә Татарстан Республикасы халык сәнгате промыселлары күргәзмәсе һәм "Татарстан Төркия фотографлары күзлегеннән" фотокүргәзмәсе оештырылган иде. Рөстәм Миңнеханов һәм Мәлих Гекчәк экспозицияләрне карап чыктылар һәм Татарстан белән Төркиянең мәдәният һәм сәнгать өлкәсендә уртак яклары күп булуны билгеләп үттеләр.

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Анкара мэры Мәлих Гекчәк белән очрашты. Очрашу Рөстәм Миңнехановның Төркия башкаласына ике көнлек эш сәфәре кысаларында узды. Чарада шулай ук Татарстан Республикасы Президенты ярдәмчесе Радик Гыйматдинов, Казан шәһәре мэры Илсур Метшин, Чаллы шәһәре Башкарма комитеты җитәкчесе Наиль Мәһдиев һәм башкалар катнашты.

Очрашу барышында Рөстәм Миңнеханов һәм Мәлих Гекчәк киләчәк хезмәттәшлек мәсьәләләре буенча фикер алыштылар. Анкара һәм Казан – тугандаш шәһәрләр һәм бу, Анкара мэры сүзләренә караганда, Татарстан белән Төркия арасындагы багланышлар үсешендә яхшы чагыла.

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов эш сәфәре белән Төркиягә килде. Анкара шәһәрендәге Әсәнбога халыкара аэропортында аны Анкара Губернаторы урынбасары Мәхмәт Али Улуташ каршы алды. Эш сәфәре кысаларында Татарстан Республикасы Президенты вазыйфаларын вакытлыча башкаручы Рөстәм Миңнехановның Төркия министрлыклары һәм ведомстволары җитәкчеләре белән рәсми очрашулары планлаштырыла.

Рөстәм Миңнеханов «Зенит-Казан» командасының Россия чемпионатында җиңүе уңаеннан «Газпром» ААҖ Идарәсе рәисе А.Б.Миллер адресына телеграмма җибәрде.

Татарстан Республикасы Президенты вазыйфаларын вакытлыча башкаручы Рөстәм Миңнеханов «Зенит-Казан» волейбол клубы коллективына, «Зенит-Казан» волейбол командасы баш тренеры В.Р.Алекнога, Татарстан Республикасы Волейбол федерациясе президенты Ф.Х. Мөхәммәтшинга, «Зенит-Казан» волейбол клубы президенты Р.А.Кантюковка Россия чемпионнары титулын җиденче мәртәбә яулауга бәйле рәвештә котлау телеграммасы җибәрде.