Бүген Татарстан Президенты Рөстәм Миңнеханов фән һәм техника өлкәсендә Татарстан Республикасы премияләрен тапшырды. Бүләкләү тантанасы Казан Кремлендә узды. Очрашуны ачып, Рөстәм Миңнеханов быел зур галим, укытучы, җитәкче һәм әйдәп баручы фәнни һәм җитештерү оешмаларының җитәкчеләре һәм хезмәткәрләренең премия лауреатлары булуын билгеләп үтте.

Бүген Әлмәттә Татарстан Республикасы Президенты Рөстәм Миңнеханов җитәкчелегендә «Татнефть» ААҖ Директорлар советының чираттагы утырышы узды. Директорлар советында «Татнефть» ААҖнең 2014 елның 11 аенда бюджет үтәлеше нәтиҗәләре каралды һәм 2015 елның январь аена һәм беренче кварталга бюджеты расланды.

Татарстан Республикасы Премьер-министры Илдар Халиков һәм Россия Үзәк банкы рәисенең беренче урынбасары Сергей Швецов бүгенге очрашуда киләчәктә хезмәттәшлек мәсьәләләре турында фикер алыштылар.

Очрашу Татарстан Республикасы Хөкүмәт йортында узды, анда ТР Премьер-министры урынбасары – ТР мәгълүматлаштыру һәм элемтә министры Роман Шәйхетдинов, ТР икътисад министры Артем Здунов, РФ Үзәк банкының Идел-Нократ баш идарәсе башлыгы урынбасары – РФ Үзәк банкының ТР буенча Милли банкы бүлеге идарәчесе Мидхәт Шаһиәхмәтов катнашты.

Бүген Татарстан Республикасы Президенты Рөстәм Миңнеханов Мәскәүгә эш визиты кысаларында РФ Дәүләт Советы һәм РФ Президенты каршындагы Мәдәният һәм сәнгать советының берләштерелгән утырышында катнаша. РФ Дәүләт Советы һәм РФ Президенты каршындагы Мәдәният һәм сәнгать советының дәүләт мәдәният сәясәтен гамәлгә ашыру мәсьәләләренә багышланган берләштерелгән утырышы Кремльдә Владимир Путин җитәкчелегендә узды.

Агымдагы елның 11 аенда Татарстанда туристлар агымы 2013 ел күрсәткеченнән артып киткән. Бу хакта бүген Татарстан Хөкүмәте йортында “Туристлык елына нәтиҗә һәм яңа ел каникулларында чаралар” темасына багышланган брифингта Татарстан Республикасының Туризм буенча дәүләт комитеты рәисе Сергей Иванов белдерде.

Бүген Казанда IT-паркта “IT-чемпион” республикакүләм конкурсы җиңүчеләре бүләкләнде. Тантанада Татарстан Президенты Рөстәм Миңнеханов, ТР Премьер-министр урынбасары – мәгълүматлаштыру һәм элемтә министры Роман Шәйхетдинов, ТР мәгариф һәм фән министрының беренче урынбасары Андрей Поминов катнашты. Татарстанда күрсәтелә торган дәүләт һәм муниципаль электрон хезмәтләрне популярлаштыру максаты белән, IT-чемпион конкурсы ике ел рәттән үткәрелде. Конкурсны оештыручылар - ТР Мәгълүматлаштыру һәм элемтә, ТР Мәгариф һәм фән министрлыклары. Бәйге ТР Президенты Рөстәм Миңнеханов һәм ТР Премьер-министры Илдар Халиков ярдәме белән уздырыла.

Бүген Казанда ТР Хөкүмәте йортында Татарстан Президенты Рөстәм Миңнеханов рәислегендә “Татнефтехиминвест-холдинг” Директорлар советы утырышы узды. “КАМАЗ” ААҖ фәнни-техник үзәкнең автомобиль агрегатлары һәм махсус техника буенча баш конструкторы Андрей Савинков, аерым алганда, электромобиль транспорты үсеше турында белдерде. Сүз аккумляторлары троллейбус челтәрләренең база станциясендә зарядка ала торган экологик яктан чиста автобуслар булдыру турында сүз бара. Шулай ук кече электробуслар төзү ниятләнә.

Татарстан Республикасы Президенты Рөстәм Миңнеханов «Эфир» телекомпаниясе коллективын региональ эфирда алдынгы урынны күп еллар саклап калулары өчен Россия Федерациясе Хөкүмәтенең массакүләм мәгълүмат чаралары өлкәсендәге 2014 елгы премияне яулаулары белән котлады. Бу хакта «Эфир» ҖЧҖ Директорлар советы рәисе Андей Григорьевка юлланган телеграммада әйтелгән.