Яңалыклар
Бүген Япониягә эш сәфәре кысаларында Татарстан Республикасы Президенты Рөстәм Миңнеханов Россия Федерациясе Хөкүмәте Рәисе урынбасары Аркадий Дворковичның Япония Премьер-министры Синдзё Абэ белән очрашуында катнашты. Очрашу «Җәмгыятьтә фән һәм технологияләр» (Science and Technology in Society) ел саен уздырыла торган халыкара форум мәйданчыгында Киото шәһәрендә узды.
Бүген Татарстан Республикасы Президенты Рөстәм Миңнеханов ике көнлек эш сәфәре белән (2015 елның 4-5 октябре) Япониягә (Киото шәһәренә) килде. Сәфәренең төп максаты – «Җәмгыятьтә фән һәм технологияләр» (Science and Technology in Society) ел саен уздырыла торган халыкара форумда катнашу, форум Киото шәһәрендәге конференц-үзәктә узачак. Форум кысаларында Татарстан Республикасы Президентының «Энергетика һәм әйләнә-тирә мохит» пленар сессиясендә катнашуы планлаштырыла.
Бүген Сочида Халыкара инвестицион форум кысаларында Татарстан Республикасы Президенты Рөстәм Миңнеханов «Ягулык-энергетика комплексы. Арзан бәяләр шарталарында ничек үсәргә?» темасына панель дискуссиядә катнашты. Чараны РФ энергетика министры Александр Новак ачты.
Татарстан Республикасы Президенты Рөстәм Миңнеханов бүген дәүләт хезмәте ветераннарын Халыкара өлкәннәр көне белән котлады. Бәйрәм очрашуы "Казан" милли-мәдәни үзәгендә узды.
Очрашуда Татарстан Республикасы Президенты Аппараты җитәкчесе Әсгать Сәфәров, ТР Премьер-министры урынбасары-ТР Министрлар Кабинеты Аппараты җитәкчесе Шамил Гаффаров, Татарстан Республикасы Дәүләт Советы Рәисе урынбасары Юрий Камалтынов та катнашты.
Татарстанда хезмәтне саклау кагыйдәләрен һәм нормаларын бозган өчен барлыгы 19 млн. 418 мең сумлык 548 карар чыгарылган. Ел башыннан алып дәүләт төзелеш күзәтчелеге инспекцияләре һәм Дәүләт хезмәт инспекциясе тарафыннан 926 тикшерү уздырылган. Бу хакта бүген Татарстан Республикасы Хөкүмәте Йортында узган традицион республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте. Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда Татарстан Республикасы Премьер-министры Илдар Халиков та катнашты.
Бу хакта бүген ТР Дәүләт Советында уздырылган парламент тыңлаулары вакытында ТР финанс министры Радик Гайзатуллин хәбәр итте. “Татарстан Республикасының 2016 елга бюджеты” темасына багышланган әлеге чарада ТР Премьер-министры Илдар Халиков, ТР парламенты рәисе урынбасары Юрий Камалтынов катнашты. Утырыш ТР Дәүләт Советының бюджет, салымнар һәм финанслар комитеты җитәкчесе Леонид Якунин рәислегендә узды.
Бүген Татарстан Республикасы Президенты Рөстәм Миңнеханов Ставропольск крае губернаторы Владимир Владимир белән очрашты. Очрашу Сочида Халыкара инвестицион форум мәйданчыгында узды.
Яклар күп кенә мәсьәләләр буенча фикер алышты, шулардан: машина төзелеше, авыл хуҗалыгы һәм мәгариф өлкәсендә партнерлык мөнәсәбәтләрен үстерү.
WorldSkills Russia-2018 Бөтенроссия һөнәри осталык чемпионаты Казанда узачак. Бу хакта бүген Сочидагы Халыкара инестицион форум кысаларында билгеле булды.
WorldSkills чемпионатында катнашачак шәһәрләр Россия Федерациясе Хөкүмәте Рәисе урынбасары Ольга Голодец һәм Татарстан Президенты Рөстәм Миңнеханов катнашындагы махсус матбугат конференциясендә игълан ителде.
Creative Commons Attribution 4.0 International
Хата таптыгызмы? Сүзне яки җөмләне билгеләгез һәм CTRL+ENTER басыгыз